पुणे : स्पर्धा परीक्षांची तयारी करणाऱ्या विद्यार्थिनीचा अभ्यासिकेत मृत्यू झाल्याची धक्कादायक घटना वडगाव शेरी येथे घडली.
पूजा वसंत राठोड (वय-२५) असे मृत्यू झालेल्या विद्यार्थिनीचे नाव आहे. याप्रकरणी चंदननगर पोलीस ठाण्यात आकस्मिक मृत्यूची नोंद केली आहे.
पोलिसांनी दिलेल्या माहितीनुसार, पूजा राठोड हि मूळची सोलापूर जिल्ह्यातील कोंडी तांडा या गावातील आहे. पूजाचे विज्ञान शाखेतील पदवीचे शिक्षण सोलापुरातील संगमेश्वर महाविद्यालयात, तर पदव्युत्तर शिक्षण पुण्यात झाले. पूजा हि सद्या पुण्यातील एका कंपनीत नोकरी सांभाळून स्पर्धा परीक्षांची तयारी करीत होती.
पूजा राठोड हि वडगाव शेरीतील एका अभ्यासिकेत अभ्यास करीत असताना अचानक खाली कोसळली. त्यानंतर पूजाला उपचारासाठी रग्णालयात दाखल करण्यात आले. मात्र, उपचारापूर्वीच तिचा मृत्यू झाला असल्याचे डॉक्टरांनी घोषित केले. कोंडी तांडा येथे तिच्या पार्थिवावर अंत्यसंस्कार करण्यात आले.
दरम्यान, पूजा राठोड हिच्या मृत्यूची नोंद आकस्मिक मृत्यू अशी नोंद चंदननगर पोलिस ठाण्यात करण्यात आली आहे. अशी माहिती पोलिस निरीक्षक दिलीप पालवे यांनी दिली आहे. तर ह्रदयविकाराच्या झटक्याने तिचा मृत्यू झाल्याची शक्यता वैद्यकीयतज्ज्ञांनी व्यक्त केली आहे.
