ठाणे : ठाण्याच्या बाळकुम परिसरातील रुणवाल आयरीन या 40 मजली इमारतीवरून लिफ्ट कोसळून दुर्घटना घडली. यामध्ये सात कामगारांचा दुर्दैवी मृत्यू झाल्याची माहिती दिली जात आहे. नुकतेच बांधकाम पूर्ण झालेल्या या इमारतीच्या छतावर वॉटरप्रूफिंगचे काम सुरू होते. हे काम संपवून कामगार खाली येत असताना हा अपघात घडला.
ठाणे पश्चिम भागात रुणवाल गार्डनमध्ये अंडरग्राउंड लिफ्ट कोसळली. या दुर्घटनेत सात जण मृत्युमुखी पडल्याची माहिती दिली जात आहे. या लिफ्टमध्ये एकूण 8 जण होते. त्यापैकी 7 जणांचा मृत्यू झाला असून, एक जण जखमी झाला आहे. या घटनेची माहिती मिळताच पोलीस आणि बचावपथकाचे कर्मचारी घटनास्थळी दाखल झाले आहेत. बांधकाम पूर्ण झालेल्या या इमारतीच्या छतावर वॉटरप्रूफिंगचे काम सुरू होते. हे काम संपवून कामगार खाली येत असताना हा अपघात झाला.
दरम्यान, पोलीस आणि अग्निशमन दलाचे जवान घटनास्थळी तातडीने दाखल झाले. अंडरग्राऊंड लिफ्ट कोसळून झालेल्या अपघातात सात जणांचा दुर्दैवी मृत्यू झाल्याने परिसरात हळहळ व्यक्त केली जात आहे.
