पुणे : पुण्यातील बाणेर-पाषाण रोडवर एका डिजिटल कंटेन्ट क्रिएटर महिलेला बेदम मारहाण केल्याचा धक्कादायक प्रकार घडला होता. या घटनेची माहिती या महिलेने एका व्हिडिओतून दिली आहे. या व्हिडिओच्या आधारे पोलिसांनी संशयीत आरपीस अटक केली आहे. चारचाकी वाहनातील आरोपी स्वप्नील केकरे आणि त्यांच्या पत्नीला पोलीसांनी ताब्यात घेतले आहे.
यावेळी या व्हिडिओतून जेरीलन डिसिल्वा यांनी दावा केली आहे की, आरोपी ड्रायव्हरने आपली कार थांबवली आणि खाली उतरुन त्यांच्या चेहऱ्यावर जोरदार ठोसा मारला. या मारहाणीत त्यांच्या नाकातून रक्तस्त्राव झाला. जेरलिनसोबत असलेल्या दोन लहान मुलांसमोर या अज्ञात वाहनचालकाने तिला मारहाण केली. याप्रकरणी चतुश्रृंगी पोलीस ठाण्यात तक्रार दाखल करण्यात आली होती.
या घटनेनंतर पोलिसांनी एफआयआर दाखल करून आरोपींवर भारतीय न्याय संहिता कायद्यानुसार गुन्हा दाखल केला आहे. चारचाकी वाहनातील आरोपी स्वप्नील केकरे आणि त्यांच्या पत्नीला ताब्यात घेण्यात आले आहे. आरोपी स्वप्नील याची पत्नी घटना घडली तेव्हा गाडीतच उपस्थित होती, त्यामुळे तिलाही सहआरोपी करण्यात आले आहे.
या घटनेची माहिती देताना डीसीपी विजयकुमार मगर यांनी याबद्दल माहिती दिली की, हा गुन्हा चतुश्रुंगी पोलीस ठाण्यात दाखल झाला आहे. आम्ही या प्रकरणी पुढील तपास करत आहोत.
