LifeStyle : पावसाळ्यात आपल्या आरोग्यासह केसांची काळजी घेण्याचं एकप्रकारे आव्हानच असते. कारण, या पावसाच्या पाण्यात भिजल्याने अनेकांना केस गळतीची समस्या जाणवू शकते. त्यामुळे याकडे लक्ष देणे गरजेचे आहे. पण असे काही घरगुती उपाय आहेत त्याचा अवलंब केल्यास नक्कीच फायद्याचे ठरू शकते.
केस गळतीच्या समस्येवर नारळाच्या दुधाचा चांगला परिणाम दिसून येऊ शकतो. तुम्ही नारळाचे दूध बाजारातून अगदी कमी किमतीत विकत घेऊ शकता आणि त्यापासून हेअर मास्क बनवू शकता. यासाठी सर्वप्रथम नारळाच्या दुधात थोडे मध मिसळा. आता हा हेअर मास्क केसांना मुळापासून शेवटपर्यंत लावा. 30 मिनिटांनंतर, साध्या पाण्याने आपले केस धुवा. हे हेअर मास्क तुमचे केस मजबूत करेल.
तसेच जर पावसाळ्यात तुमचे केस खूप गळत असतील तर तुम्ही घरीच अंड्याचा हेअर मास्क वापरू शकता. याच्या वापराने तुमच्या केसांची मुळे आतून मजबूत होतात. ते वापरण्यासाठी, तुम्हाला फक्त काही दुधात अंडे घालावे लागेल. आता त्यात थोडे खोबरेल तेल टाका आणि मग हा हेअर मास्क केसांना मुळापासून शेवटपर्यंत लावा. अर्ध्या तासानंतर केस चांगल्या शॅम्पूने धुवा.
याशिवाय, दह्याच्या वापराने केस गळतीवर उपाय करता येऊ शकतो. दह्याचा वापर करून तुम्ही केस गळणे देखील टाळू शकता. यासाठी तुम्हाला फक्त एक चमचा मध आणि थोडे खोबरेल तेल दह्यात मिसळावे लागेल. यानंतर ही पेस्ट केसांना अर्धा तास लावा. मध केसांना चिकटणार नाही, हे लक्षात ठेवा. या पर्यायाचा अवलंब केल्यास केस गळतीपासून दिलासा मिळू शकेल.
