Unnao Road Accident : उत्तर प्रदेशातील उन्नावमध्ये भीषण अपघात झाल्याची घटना समोर आली आहे. या भीषण अपघातानं देश पुरता हादरून गेला आहे. उन्नाव जिल्ह्यात बुधवारी सकाळी डबल डेकर बस आणि टँकरमध्ये भीषण अपघात झाला आहे. या अपघातात एकूण 18 प्रवाशांचा जागीच मृत्यू झाला आहे. 30 हून अधिक जण गंभीर जखमी झाले आहेत. ही घटना आज सकाळी लखनौ-आग्रा एक्स्प्रेस वेवर घडली आहे.
याबाबत मिळालेल्या अधिक माहितीनुसार, लखनौ- आग्रा एक्स्प्रेस वेवर बिहारमधील शिवगढहून दिल्लीकडे जाणाऱ्या स्लीपर बसची एका दुधाच्या टँकरला जोरदार धडक बसली. ही धडक एवढी जोरदार होती की, बस आणि टँकरचा चक्काचूर झाला आहे. या अपघातात दोन महिला आणि एका बालकासह 18 जणांचा मृत्यू झाला आहे. त्याचबरोबर सुमारे ३० जण गंभीर जखमी झाले आहेत. या अपघाताची माहिती मिळताच पोलीस घटनास्थळी दाखल झाले असून, मदतकार्याला सुरुवात करत जखमींना रुग्णालयात दाखल केले आहे.
घटनास्थळी उपस्थित असलेल्या प्रत्यक्षदर्शींनी दिलेल्या माहितीनुसार, डबल डेकर बस नियंत्रणाबाहेर गेली आणि दुधाच्या कंटेनरमध्ये घुसली, त्यानंतर हा अपघात झाला. हा अपघात एवढा भीषण होता की, अपघाताच्या आवाजानं आसपासच्या गावातील लोक घटनास्थळी पोहोचले. त्यानंतर सदर अपघाताची माहिती पोलिसांना देण्यात आली.
Uttar Pradesh | Several injured after a sleeper bus going from Sitamarhi in Bihar to Delhi rammed into a milk container under Behtamujawar PS on the Lucknow-Agra Expressway in Unnao. Police reached the spot. Further details awaited.
— ANI (@ANI) July 10, 2024
