पुणे : गेल्या महिन्याभरापासून राज्यात पावसाची जोरदार हजेरी पाहायला मिळत असली तरी अपेक्षित पाऊस अजूनही बरसत नाही आहे. तालुक्यातील धरणात अजून अत्यल्प पाणीसाठा आहे. अजूनही बळीराजाला जोरदार पावसाची प्रतीक्षा आहे. राज्यात मुसळधार पावसाचा इशारा हवामान खात्याने दिला आहे.
या जिल्ह्यात पावसाचा इशारा
नाशिक जिल्ह्यातील इगतपुरी शहरात जोरदार हवेसह पावसाला सुरुवात झाली आहे. गेल्या महिन्याभरात पावसाची हि दुसऱ्यांदा जोरदार हजेरी पाहायला मिळत आहे. मागील वर्षीच्या तुलनेत या महिन्यात सरासरीपेक्षा कमी पाऊस झाला आहे. तालुक्यातील धरणात अजून अत्यल्प पाणीसाठा आहे. तर अजूनही बळीराजाला जोरदार पावसाची प्रतीक्षा लागून राहिली आहे. तर खान्देशातील नंदुरबार शहरात आणि तालुक्यातही पावसाला सुरुवात झाली आहे. जिल्ह्यात चांगला पाऊस होत असल्यामुळे आतापर्यंत ७० टक्केपेक्षा अधिक क्षेत्रावर पेरणी पूर्ण झालेली आहे.
वाशिम जिल्ह्यात जून महिन्यात चांगला पाऊस पडत असल्यामुळे चांगल्या पेरण्या झाल्या आहेत. दुसरीकडे आज रत्नागिरी, रायगड, सिंधुदुर्ग, कोल्हापूर या जिल्ह्याला हवामान खात्याने पावसाचा यलो अलर्ट जारी केला आहे. यासह पुणे आणि साताऱ्याला देखील पावसाचा यलो अलर्ट दिला आहे. बुलढाणा, वाशिम, अकोला, अमरावती, वर्धा, नागपूर, भंडारा, यवतमाळ, गडचिरोली आणि गोंदिया या ठिकाणी मुसळधार पावसाचा इशारा हवामान खात्याने दिला आहे.
