हैदराबाद : पीडितेला रविवारी सकाळी मियापूर येथील तिच्या हॉस्टेल जवळून पीकअप केलं. ते यादाद्री येथे साईट विजिटसाठी गेले होते. परतत असताना आरोपींनी रात्री 10.30 च्या सुमारास एका इमारतीजवळ गाडी थांबवली. प्रतिष्ठीत रिअल इस्टेट फर्ममधील दोन सेल्स अधिकाऱ्यांना बुधवारी अटक करण्यात आली. 30 जूनच्या रात्री महिला सहकाऱ्यावर बलात्कार केल्याप्रकरणी ही कारवाई करण्यात आली आहे.
हे कृत्य केल्यानंतर आरोपींनी पीडित तरुणीला तिच्या खासगी वसतिगृहाबाहेर सोडलं. सांगा रेड्डी (39) आणि जर्नादन रेड्डी (25) अशी आरोपींची नाव आहेत. त्यांना न्यायालयीन कोठडी सुनावण्यात आली आहे. पीडित महिलेच्या तक्रारीवरुन उप्पल पोलीस स्टेशनमध्ये झीरो एफआयआर नोंदवण्यात आला आहे. मियापूर पोलीस स्टेशनकडे हा गुन्हा वर्ग करण्यात आला आहे. कारण गुन्हा त्यांच्या हद्दीत घडला. हा गुन्हा हैदराबादमध्ये झालाय.
आरोपींनी पीडितेला रविवारी सकाळी मियापूर येथील तिच्या हॉस्टेल जवळून पीकअप केलं. ते यादाद्री येथे साईट विजिटसाठी गेले. हैदराबाद येथे परतत असताना आरोपींनी रात्री 10.30 च्या सुमारास निर्माणाधीन अवस्थेत असलेल्या इमारतीजवळ गाडी थांबवली. गाडीमध्ये बिघाड झाल्याच कारण आरोपींनी दिलं. आरोपींनी पीडितेला आधी जेवण दिले होते, जर्नादनने तिला सॉफ्ट ड्रींक आणि स्वीट ऑफर केले. अशी माहिती मिळाली आहे.
स्वीट खालल्यानंतर महिलेला गुंगी येऊ लागली होती. अशी माहिती पोलीस अधिकाऱ्याने दिली. दिवसभर काही न खाल्ल्यामुळे चक्कर येत असावी असं पीडित तरुणीला वाटलं. जर्नादनने अजून स्वीट दिल्यानंतर तिला गुंगी चढू लागली. तिच्या त्या अवस्थेचा फायदा घेऊन दोघांनी तिला अयोग्य पद्धतीने स्पर्श केला. तिला मारहाण करुन तिच्यावर बलात्कार केला. पहाटे 3 वाजेपर्यंत महिलेला त्रास दिला. आरोपींविरोधात IPC च्या 376 (बलात्कार), 323, 509 (महिलेशी छेडछाड) आणि 420 (फसवणूक) या कलमांतर्गत गुन्हा नोंदवण्यात आला आहे.
