दीपक खिलारे
इंदापूर : तालुक्यातील ग्रामीण विकास प्रतिष्ठान संचालित वालचंद विद्यालय व जुनिअर कॉलेज कळंब येथे शासन आपल्या दारी या योजनेअंतर्गत विद्यालयामध्ये बाहेरगावावरून येणाऱ्या विद्यार्थ्यांसाठी एसटी पासचे विद्यालयामध्येच वाटप करण्यात आले.
यामुळे विद्यालयात कळंबोली, पिरळे, दहिगाव, चिखली, जांब, उद्धट, तावशी, सोनगाव, डोर्लेवाडी तसेच झारगडवाडी येथून शिक्षणासाठी येणाऱ्या विद्यार्थी-विद्यार्थींनींना या उपक्रमाचा फायदा झाला आहे.
यावेळी संस्थेचे चेअरमन रामचंद्र कदम, एसटी महामंडळाचे वाहतूक नियंत्रक गणपत रणधीर, विद्यालयाचे प्राचार्य सर्वगोड, ज्युनिअर विभाग प्रमुख सावंत, एसटी पास विभाग प्रमुख पोळ, सागर पवार, ज्येष्ठ शिक्षक अर्जुन उपस्थित होते.
