छत्रपती संभाजीनगर : तलाठी भरती परीक्षा घोटाळ्यातील मास्टरमाईंड दत्ता नलावडेला छत्रपती संभाजीनगरमधून अटक करण्यात आली आहे.
स्पर्धा परीक्षांच्या घोटाळ्यांचा मास्टरमाईंड दत्ता कडूबा नलावडे (27, रा. भालगाव) हा तब्बल नऊ महिन्यांनंतर एमआयडीसी सिडको पोलिसांच्या हाती लागला आहे.
शनिवारी (दि.15) सकाळी मिलकॉर्नर परिसरात निवांत फिरताना आढळताच पोलिसांनी दत्ता नलावडेच्या मुसक्या आवळल्या आहेत. सप्टेंबरमध्ये शहरात तलाठी परीक्षेसह विविध स्पर्धा परीक्षांचे घोटाळे समोर आले. तेव्हापासून दत्ता पोलिसांना गुंगारा देत होता. मात्र, आता अखेर दत्ता नलावडेला अटक केली आहे.
