अरुण भोई
राजेगाव (ता.दौंड) : येथील जिल्हा परिषद प्राथमिक शाळेमध्ये नवीन शैक्षणिक वर्षाच्या पहिल्या दिवशी नवगतांचे गुलाब पुष्प, चॉकलेट आणि पुस्तकाचा संच देऊन विद्यार्थ्यांचे स्वागत करण्यात आले. इयत्ता पहिली ते सातवीच्या सर्व विद्यार्थ्यांना शाळेच्या पहिल्याच दिवशी पाठ्यपुस्तकांचा संच देण्यात आला.
यावेळी ग्रामपंचायत सदस्य संदीप भोसले, पोलीस पाटील महेश लोंढे यांनी विद्यार्थ्यांना मार्गदर्शन व शुभेच्छा दिल्या. यावेळी अनेक मान्यवरांनी या ठिकाणी उपस्थिती लावली. यावेळी तंटामुक्ती अध्यक्ष शहाजी गुणवरे, भाजपचे गटनेते मुकेश गुणवरे, शालेय शिक्षण समितीचे अध्यक्ष गणेश मोरे, तसेच सर्व सदस्य सचिन मोरे, सुधीर मोघे, अमोल इंदलकर, शिवराम केवटे, संतोष जगताप, चंद्रकांत मेंगावडे, मुख्याध्यापक सर्व शिक्षक शिक्षिका व विद्यार्थी मोठ्या संख्येने उपस्थित होते.
या कार्यक्रमाचे सूत्रसंचालन संजय नेमाने यांनी केले तर आभारप्रदर्शन आप्पासाहेब मेंगावडे यांनी केले आहे. कार्यक्रम यशस्वी होण्यासाठी मुख्याध्यापक इंद्रभान गोसावी, आप्पासाहेब मेंगावडे, दिलीप शिर्के, संजय नेमाने, तुकाराम उगलमोगले, वैशाली कुदळे आणि योगिता कचरे यांनी प्रयत्न केले.
