पळसदेव : आलिशान पॅलेस निमगाव केतकी (ता. इंदापूर) येथे इयत्ता दहावी आणि बारावीतील 41 गुणवंत विद्यार्थ्यांचा सन्मान सोहळा व शैक्षणिक मेळावा पार पडला. इंदापूर तालुका मुस्लिम चॅरिटेबल ट्रस्ट व युवक संघटना यांच्या संयुक्त विद्यमाने या सोहळ्याचे आयोजन करण्यात आले होते.
यावेळी विद्यार्थ्यांना विविध क्षेत्रातील करिअरबाबत शिक्षणतज्ञ अनिस कुटीसर, पुना कॉलेजचे उपप्राचार्य इम्तियाज आगासर यांनी मार्गदर्शन केले. ट्रस्टचे सचिव मुख्तार मुलाणी यांनी प्रास्ताविक केले. यावेळी केतकेश्वर विद्यालयाचे प्राचार्य चव्हाण सर, भोंग सर, उस्मान मुलाणी, प्रकाश शेंडे आदींनी विद्यार्थ्यांना मार्गदर्शन केले. याप्रसंगी ट्रस्टचे अध्यक्ष दादाभाई मुलाणी, समीरभाई मुलाणी, रसूल पठाण आदिसह सर्व पदाधिकारी व पालक मोठया संख्येने उपस्थित होते.
