पुणे : पुरंदर तालुक्यातील वाल्हे येथील पुणे-पंढरपूर पालखी महामार्गावरील वाल्हे नजीक पातर मळा येथे बोलेरो-ट्रकची धडक लागून अपघात झाला आहे. जेजुरी च्या दिशेने येणारी बोलेरो गाडी (एमएच 12 व्हीटी 8265) व निरेच्या दिशेने येणारा ट्रक (एमएच 12 क्यूडब्ल्यू 7899) या दोन गाड्यांची धडक झाली आहे. हा अपघात रविवारी (दि. 02) सकाळी साडेसात वाजता घडला आहे.
या अपघातामध्ये बोलेरो गाडी चालवणारे चालक नववाथ बाजीराव वाघमारे (वय-42, रा. मांडकी,ता. पुरंदर) यांचा अपघात झाल्यानंतर जागीच मृत्यू झाला आहे. या घटनेबाबत दत्तात्रय महादेव वाघमारे (रा.मांडकी) यांनी वाल्हे येथील पोलीस चौकीत फिर्याद दाखल केली आहे.
या घटनेचा पुढील तपास सहायक फौजदार रविराज कोकरे करीत आहेत.
