पुणे : पुण्यातील पोर्शे कार अपघात प्रकरणाची सध्या देशासह राज्यभर चर्चा आहे. या अपघात प्रकरणामुळे विरोधकांकडून सत्ताधाऱ्यांवर सतत गंभीर स्वरुपाचे आरोप केले जात आहेत. तर दुसरीकडे या प्रकरणाला जोरदार हवा मिळाल्यामुळे पुणे पोलिसांवरही मोठा दबाव आला आहे. दरम्यान, ही घटना ताजी असतानाच पुण्यात आणखी एक मन हेलावून टाकणारी आणखी एक घटना घडली आहे. शहरातील कर्वे रोडवर एका क्रेनने सायकलस्वाराला चिरडले आहे. ही घटना घडल्यानंतर क्रेनचा चालक पसार झाला होता.
मिळालेल्या माहितीनुसार, पुण्यातील कर्वेरोडवर एक भीषण अपघात झाल्याची घटना घडली आहे. या अपघातात एका अवजड क्रेनने रस्त्यावरून जाणाऱ्या सायकलस्वाराला चिरडले आहे. या अपघातात सायकलस्वाराचा जागीच मृत्यू झाला आहे. ही घटना घडल्यानंतर क्रेनचालक पसार झाला आहे. परंतु, क्रेनचालकाला ताब्यात घेतल्याचा दावा पोलिसांकडून करण्यात येत आहे.
