वाघोली: येथील पुणे नगर महामार्गावर वाघोलीतील आव्हाळवाडी फाट्यावर अज्ञात अवजड वाहनाच्या धडकेत दुचाकीवरील महिलेचा मृत्यू झाल्याची घटना घडली आहे. ही घटना मंगळवारी (ता.7) सकाळी पावणे सातच्या सुमारास घडली.
या अपघातात मृत्यूमुखी झालेल्या महिलेचे नाव संगीता बाळासाहेब कांबळे (वय-37, रा. थेऊर) असे आहे. या घटनेप्रकरणी आर्यन कांबळे याने फिर्याद दिली आहे.
या विषयाबाबत पोलीसांनी दिलेल्या माहितीनुसार, आव्हाळवाडी फाट्यावरुन संगीता कांबळे या दुचाकीवरुन जात होत्या. मागून आलेल्या अवजड वाहनाची त्यांच्या दुचाकीला धडक बसली. यावेळी त्या गंभीर जखमी झाल्या. यावेळी उपचारापूर्वीच त्यांचा मृत्यू झाला. याप्रकरणी लोणीकंद पोलीस ठाण्यात अज्ञात वाहन चालकावर गुन्हा दाखल करण्यात आला आहे,
