करमाळा: जिल्हा प्राथमिक शाळा घरतवाडीचे शिक्षक महेश पांडुरंग आरडे यांना आदर्श शिक्षक पुरस्काराने सन्मानित करण्यात आले आहे. 3 एप्रिल रोजी करमाळा पंचायत समिती शिक्षण विभागाचा आदर्श शिक्षक पुरस्कार प्रदान समारंभ करमाळा येथे संपन्न झाला. शिक्षण क्षेत्रात केलेल्या सोळा वर्षांच्या कामाचे फळ त्यांना मिळाले असल्याची भावना त्यांनी व्यक्त केली.
यावेळी करमाळा गटविकास अधिकारी मनोज राऊत, गट शिक्षणाधिकारी राजकुमार पाटील, विस्तार अधिकारी नितीन कदम तसेच सर्व केंद्रप्रमुख मुख्याध्यापकांच्या उपस्थितीमध्ये हा सोहळा पार पडला. महेश आरडे यांच्या शैक्षणिक कार्याची दखल घेऊन विद्यार्थ्यांप्रती आणि शिक्षणाची गोडी, जिद्द, चिकाटी, मेहनत या सर्व बाबींचा विचार करून शिक्षण विभागाने त्यांना आदर्श शिक्षक पुरस्कार प्रदान केला. त्यांच्या या सन्मानाबद्दल घरतवाडी ग्रामस्थ व सर्व स्तरातून त्यांचे अभिनंदन केले जात आहे.
