नवी दिल्ली: तापसी पन्नू गेल्या अनेक दिवसांपासून तिचा प्रियकर मॅथियास बोसोबतच्या लग्नाच्या बातम्यांमुळे चर्चेत होती. गेल्या 10 वर्षांपासून डेट करत असलेले हे कपल मार्च महिन्यात लग्न करणार होते. आता ताज्या मीडिया रिपोर्ट्सनुसार, तापसी पन्नू आणि मॅथियास बो पती-पत्नी बनले आहेत. तापसी पन्नूने 23 मार्च रोजी तिचा दीर्घकालीन बॉयफ्रेंड मथियास बो याच्याशी लग्न केले. या जोडप्याने बॉलिवूडचे आवडते वेडिंग डेस्टिनेशन उदयपूर येथे लग्नगाठ बांधली.
अभिनेत्री तापसी पन्नू आणि माजी ऑलिम्पिक पदक विजेता मॅथियास बो यांनी कुटुंब आणि जवळच्या मित्रांच्या उपस्थितीत लग्न केले. प्री-वेडिंग फंक्शन्स 20 मार्चपासून सुरू झाले. या जोडप्याला त्यांच्या लग्नात मीडियाचे लक्ष नको होते. हे दोघेही मीडिया आणि लाइमलाइटपासून दूर राहणारे आहेत.
बॉलीवूड स्टार्सना आमंत्रण नाही
रिपोर्टनुसार, बॉलिवूडमधील प्रसिद्ध चेहरे तापसी पन्नूच्या लग्नात सहभागी झाले नव्हते. अभिनेत्रीने इंडस्ट्रीतील फक्त तिच्या जवळचे मित्र-मैत्रीण असलेल्या अनुराग कश्यप आणि कनिका धिल्लनला आमंत्रित केले होते. अनुराग कश्यप आणि तापसी अनेक चित्रपटांसाठी एकत्र आले आहेत. दिग्गज दिग्दर्शकाने अभिनेत्रीच्या ‘मनमर्जियां’ आणि ‘दोबारा’ या चित्रपटांचे दिग्दर्शन केले होते.
कनिका ढिल्लन तापसीच्या ‘हसीन दिलरुबा’, ‘मनमर्जियां’, ‘फिर आयी हसीन दिलरुबा’ सारख्या चित्रपटांची पटकथा लेखक आहे. कनिकाने तिच्या पतीसोबत अभिनेत्रीच्या लग्नाला हजेरी लावली होती. सोशल मीडियावर तापसीची बहीण शगुन आणि तिच्या चुलत बहिणीसोबतचा एक फोटो शेअर करून या जोडप्याच्या लग्नाचे संकेतही दिले होते.
