औरंगाबाद: औरंगाबाद पश्चिम मतदार संघाचे शिवसेनेचे आमदार संजय शिरसाठ १२ बसेस अन् गाड्या घेऊन ‘मंत्रिपद द्याच’ या मागणीसाठी मुंबईला रवाना झाले आहे.
शिवसेनेमध्ये बंडखोरी केल्यानंतर एकनाथ शिंदे यांनी भाजपसोबत सरकार स्थापन केले आहे. पण अजूनही मंत्रिमंडळाचा विस्तार न झाल्यामुळे जोरदार लॉबिंग आणि रस्सीखेच सुरू आहे. सुरतपासून एकनाथ शिंदे यांच्यासोबत असलेले शिवसेनेचे बंडखोर आमदार संजय शिरसाठ आज शक्तिप्रदर्शन करण्यास मुंबईला रवाना झाले आहे.
आमदार संजय शिरसाठ हे औरंगाबाद वरून १२ लक्झरी गाड्या आणि काही छोट्या गाड्या घेऊन मुंबईच्या दिशेने निघाल्या आहे. कार्यकर्त्यांसाठी १२ गाड्यांचा ताफा पाहून शहरातील सर्वच जण अवाक् झाले आहे. संजय शिरसाट आपल्या पदरात मंत्रिपद घेण्यासाठी शक्तिप्रदर्शन करत असल्याची शहरात जोरदार चर्चा सुरू आहे. आता मंत्रिपद मिळवण्यासाठी शिंदे गटात जोरदार रस्सीखेच सुरू आहे.
दरम्यान, मुख्यमंत्री शिंदे यांच्यासोबत असल्याचे सांगण्यासाठी आमदार संजय शिरसाठ हे आपल्या कार्यकर्त्यांना घेऊन मुंबईत पोहोचत आहे. विशेष म्हणजे, खुद्द मुख्यमंत्री शिंदे यांनी संध्याकाळी साडेपाच वाजता वेळ राखून ठेवल्याची माहिती समोर येत आहे.
