पुणे : मुंबई- पुणे एक्सप्रेस वेवर बोरघाटात मोठ्या प्रमाणात वाहतूक कोंंडी निर्माण झाली आहे. मुंबईहून पुण्याला जात असणाऱ्या मार्गावर वाहनांच्या लांबच लांब रांगा लागल्या आहेत. शनिवार-रविवारच्या सुट्ट्या असल्याने विकेंड सेलिब्रेट करण्यासाठी मोठ्या प्रमाणात नागरिक घराबाहेर पडले आहेत. त्यामुळे ही वाहतूक कोंडी झाली आहे.
त्यामुळे या मार्गावरील वाहतूक धीम्या गतीने सुरू होती. वाहतुक कोंडीमुळे वाहनचालकांना मनस्ताप सहन करावा लागत आहे. शनिवार-रविवारच्या सुट्ट्या असल्याने शनिवारी सकाळ पासून वाहनांची संख्या अचानक वाढली होती. त्यामुळे पुण्याकडून मुंबईकडे येणारी वाहतुक काही काळ धिम्यागतीने सुरू होती.
