हिंजवडी: पार्क केलेली गाडी काढत असताना आडवी असलेली कार बाजूला काढण्यास सांगितले म्हणून एकाने तरुणाला बेदम मारहाण केल्याची घटना रविवारी फेज थ्री येथे घडली. याप्रकरणी दीपक राजकुमार पवार (वय 31 रा हिंजवडी) यांनी हिंजवडी पोलीस ठाण्यात फिर्याद दिली आहे. त्यानंतर पोलिसांनी मारुती सुझुकी बलेनो (एम एच 14 जी.आर. 11 77) या गाडीवरील चालकावर गुन्हा दाखल केला आहे.
पोलिसांनी दिलेल्या माहितीनुसार, फिर्यादी हे चहा पिण्यासाठी थांबले होते. त्यावेळी त्यांनी त्यांची कार तेथेच पार्क केली होती. चहा पिऊन झाल्यानंतर ते परत येत असताना त्यांच्या कारला आडवी आरोपीने त्याची गाडी लावली होती. त्यामुळे फिर्यादी यांनी त्यांना गाडी काढण्यास सांगितले असता आरोपीने त्यांना शिवीगाळ करत लाथा बुक्क्यांनी मारहाण केली. यामध्ये हाणामारीत फिर्यादींच्या नाकाचे हाड फ्रॅक्चर झाले. यानंतर हिंजवडी पोलीस ठाण्यात गुन्हा दाखल केला असून पोलीस आरोपीचा शोध घेत आहेत.
