Mumbai Crime : मुंबईमध्ये एक धक्कादायक प्रकार उघडकीस आला आहे. एका महिलेच्या पतीवर चाकूने हल्ला केल्याची घटना घडली आहे. फेसबुक फ्रेंड असणाऱ्या एका व्यक्तीने महिलेकडे शरीरसुखाची मागणी केली होती. ही बाब महिलेच्या पतीला समजताच त्याने आरोपीला पुन्हा असं कृत्य करू नको असं सांगितलं. मात्र या कारणांमुळे आरोपीला राग अनावर झाला, आणि याच रागातून महिलेच्या पतीवर त्याने चाकूने हल्ला केला.
महिलेने दिलेल्या तक्रारीनुसार, ही महिला भांडुप पूर्वेत राहत आहे. दरम्यान, आरोपीने शुक्रवारी फेसबुकवर आक्षेपार्ह पोस्ट टाकली होती. या पोस्टमधून त्याने चुंबन आणि शरीरसुखाची मागणी केली होती. सदर महिला आणि तिचा पती हे दोघेही एकच मोबाइल वापरत असल्याने आरोपीने टाकलेली फेसबुक पोस्ट पतीच्याही नजरेस आली.
आरोपी ओळखीचा असल्याने महिला आणि तिचा पती आरोपीच्या घरी गेले. मात्र तिथं जाताच आरोपीने वाद घालण्यास सुरुवात केली. वाद सुरु असतानाच त्या आरोपीने पतीवर चाकूने हल्ला केला. या हल्ल्यात जखमी झालेल्या महिलेच्या पतीला तातडीने उपचारासाठी रुग्णालयात दाखल करण्यात आलं.
अशी झाली दोघांची ओळख?
पीडित महिला लग्नाआधी २०१५ ते २०२१ यादरम्यान आपल्या आजीसोबत उल्हासनगर इथं राहत होती. त्यावेळी तिची आणि आरोपीची ओळख झाली. त्यानंतर दोघे फेसबुकवर फ्रेंड झाले. मात्र या ओळखीचा गैरफायदा घेऊन आता आरोपीने फेसबुकवरून शरीरसुखाची मागणी केली. एवढाच नाही तर नंतर महिलेच्या पतीवर देखील चाकूहल्ला केला. याप्रकरणी पोलिसांनी गुन्हा दाखल केला असून अधिक तपास सुरु आहे.
