मुंबई : बारावी पास असणाऱ्यांसाठी भारतीय नौदलात नोकरी करण्याची मोठी संधी आहे. विशेष म्हणजे ती भारतीय नौदलाकडून देण्यात आलीये. नुकतीच याबद्दलची अधिसूचना ही प्रसिद्ध करण्यात आलीये. ही प्रक्रिया भारतीय नौदलाकडून राबवली जात आहे. अविवाहित पुरुष आणि महिला यासाठी अर्ज करू शकतात.
भरती प्रक्रियेसाठी अर्ज करण्याची शेवटची तारीख 20 जानेवारी आहे. या भरती प्रक्रियेसाठी 6 जानेवारी 2024 पासून अर्ज करू शकता. उमेदवारांचे अर्ज हे शॉर्टलिस्ट केले जातील आणि त्यानुसार मुलाखतीसाठी बोलावले जाईल. 20 जानेवारी 2024 नंतर उमेदवारांना या भरती प्रक्रियेसाठी अर्ज करता येणार नाहीत. ही भरती 35 पदांसाठी आहे. भारतीय नौदलामध्ये थेट अधिकारी होण्याचे स्वप्न देखील पूर्ण होऊ शकते. मुलाखतीनंतर एक मेरिट लिस्ट लावली जाईल.
बी. टेक झाल्यानंतर उमेदवारांला थेट कार्यकारी आणि तांत्रिक शाखांसाठी अधिकारी म्हणून घेतले जाईल. इच्छुक उमेदवारांना फक्त ऑनलाईन पद्धतीने अर्ज हा करावा लागणार आहे. joinindiannavy.gov.in या साईटवर भरती प्रक्रियेबद्दलची सविस्तर माहिती ही तुम्हाला मिळेल.
