खडकी (Khadki crime) : लहान भावाला मारल्याचा बदला घेण्यासाठी दोन अल्पवयीन मुलांनी युवकाचा निघृन खून केल्याची घटना खडकी परिसरातील बोपोडीमध्ये घडली आहे. यामुळे एकच खळबळ उडाली आहे.
मंगळवार दोन जानेवारी रोजी दुपारी एक वाजण्याच्या सुमारास बोपोडीतील आंबेडकर चौकजवळील चव्हाण वस्ती या ठिकाणी दोघांकडून पूर्ववैमनस्यातून युवकाचा धारधार शस्त्राने खून करण्यात आला. धीरज प्रदीप भोसले (वय 22 वर्ष, राहणार चव्हाण वस्ती, आंबेडकर चौक, बोपोडी) असे खून झालेल्या युवकाचे नाव आहे. युवकाचा खून केल्यानंतर आरोपींनी पळ काढण्याचा प्रयत्न केला. परंतु, खडकी पोलीसांनी ताबडतोब कारवाई करून आरोपींना ताब्यात घेतले असल्याची माहिती मिळत आहे. .
