लोणी काळभोर : जल केंद्रातील देखभाल दुरुस्तीच्या कामासाठी पुणे शहरातील पाणीपुरवठा गुरुवारी (ता.२१) बंद ठेवण्यात येणार असल्याची माहिती महापालिकेने दिली आहे. त्यामुळे हडपसर, फुरसुंगी, उरूळी देवाची, मांजरी बुद्रुक, शेवाळवाडीसह पुणे शहरात पाणी पुरवठा होणार नाही.
पुणे शहरातील पर्वती जलशुद्धीकरण केंद्र, लष्कर जलकेंद्र, नवीन आणि जुने होळकर जलकेंद्र, भामा-आसखेड जलकेंद्र, वारजे, एसएनडीटी, चतु:श्रृंगी, वडगांव जलकेंद्र, अशा अनेक ठिकाणी महापालिकेच्या पाणीपुरवठा विभागाकडून अत्यावश्यक देखभाल आणि दुरुस्तीची कामे करण्यात येणार आहेत. त्यामुळे गुरूवारी पुणेकरांना पाणी संकटाला सामोरे जावे लागणार आहे.
पुणे शहरातील जल केंद्रांच्या अखत्यारीतील पाण्याच्या टाक्यांमध्ये गुरुवारी पाणी सोडता येणार नाही. तर शुक्रवारी सकाळी शहरात कमी दाबाने पाणीपुरवठा होईल. त्यानंतर संपूर्ण शहराचा पाणीपुरवठा सुरळीत होईल.
