Chhattisgarh CM : छत्तीसगड : राज्यात काहीच दिवसांपूर्वी विधानसभा निवडणुका पार पडल्या. या विधानसभा निवडणुकीत भाजपने घवघवीत काँग्रेसचा पराभव करत विजय मिळवला. भूपेश बघेल यांच्या नेतृत्वाखालील काँग्रेसचा पराभव करून राज्य परत घेतले. आता तिथल्या मुख्यमंत्री पगाची घोषणा झाली आहे. भाजपने छत्तीसगडच्या मुख्यमंत्रीपदी आदिवासी नेते विष्णू देव साय यांच्या नावाची घोषणा केली आहे.
2018 मध्ये काँग्रेसने विजय मिळवण्यापूर्वी राज्यात भाजपची 15 वर्षांची सत्ता होती. छत्तीसगडमध्ये भाजप विजयी झाल्यामुळे काँग्रेसला राज्य राखता आले नाही. 90 सदस्यीय विधानसभा निवडणुकीत 54 जागा जिंकून भाजपने आरामात विजय मिळवला. त्यामुळे आता छत्तीसगडमध्ये मुख्यमंत्र्यांवरील सस्पेन्स संपला आहे. भाजप विधीमंडळ पक्षाच्या बैठकीत छत्तीसगडची कमान विष्णू देव साय यांच्याकडे सोपवण्यात आली आहे.
कोण आहेत विष्णू देव साय?
विष्णू देव साय यांनी 1980 मध्ये भाजपमध्ये प्रवेश केला होता. विष्णू देव हे छत्तीसगडच्या कुंकुरी विधानसभेतील आहेत. राज्यात आदिवासी समाजाची लोकसंख्या सर्वाधिक आहे. आदिवासी चेहऱ्यावर भाजप बाजी मारेल अशी अटकळ होती, ती खरी ठरली. ते 2020 मध्ये भाजपचे प्रदेशाध्यक्ष झाले. खासदार आणि केंद्रीय मंत्री राहिले आहेत.
विष्णू देव साय आरएसएस आणि माजी मुख्यमंत्री रमण सिंह यांच्याही जवळचे आहेत. विष्णू देव साय यांचा जन्म 21 फेब्रुवारी 1964 रोजी जशपूर येथे शेतकरी कुटुंबात झाला. मोदी सरकारच्या पहिल्या कार्यकाळात ते केंद्रीय पोलाद राज्यमंत्री होते. 16व्या लोकसभेत छत्तीसगडमधील रायगडमधून विजयी होऊन ते खासदार झाले. 1990 मध्ये पहिल्यांदा त्यांनी आपल्या मालमत्तेचा काही भाग विकून आमदारकीची निवडणूक लढवली आणि विजयी झाले. 1990-98 मध्ये ते दोनदा आमदार होते. यानंतर ते 1999 ते 2014 पर्यंत खासदार झाले. खासदार असताना त्यांनी अनेक समित्या आणि पदे भूषवली. शिक्षण पूर्ण केल्यानंतर त्यांनी राजकारणात प्रवेश केला आणि 1980 मध्ये बगिया येथून सरपंचपदाची निवडणूक बिनविरोध जिंकली होती.
