हडपसर : चालकाचे कारवरील नियंत्रण सुटून कार थेट हडपसरमधील जुन्या कालव्यात पडली असल्याची धक्कादायक घटना रविवारी (ता. १८ ) मध्यरात्री घडली आहे. सुदैवानं अपघातात कोणतीही जीवितहानी झालेली नाही.
मिळालेल्या माहितीनुसार, कारवरील नियंत्रण सुटल्यानं मध्यरात्री अपघात झाला. कारमध्ये दोन व्यक्ती होत्या. कालव्यात फार पाणी नसल्यानं दोन्ही व्यक्ती बाहेर आल्या. सोमवारी सकाळी अग्निशमन दलाचे जवान घटनास्थळी पोहोचले. त्यांनी क्रेनच्या सहाय्यानं कार कालव्यातून बाहेर काढली. या वाहनात कोणीही जखमी अवस्थेत किंवा अडकलेले आढळून न आल्याची माहिती अग्निशमन दलाच्या कर्मचाऱ्यांनी दिली.
