पुणे : पुणे शहराचे माजी महापौर मुरलीधर मोहोळ यांच्यासह पाच जणांची प्रदेश सरचिटणीसपदी निवड करण्यात आली आहे. याबाबतची घोषणा भारतीय जनता पार्टीचे प्रदेशाध्यक्ष चंद्रशेखर बावनकुळे यांनी एका पत्राद्वारे केली आहे.
चंद्रशेखर बावनकुळे यांनी प्रदेश सरचिटणीसपदी पाच नेत्यांची गुरुवारी (ता. १५) नियुक्ती केली अशी माहिती प्रदेश मुख्य प्रवक्ते केशव उपाध्ये यांनी दिली.
यावेळी केशव उपाध्ये म्हणाले की, प्रदेशाध्यक्ष चंद्रशेखर बावनकुळे यांनी ॲड. माधवी नाईक (ठाणे), विक्रांत पाटील (रायगड), रणधीर सावरकर (अकोला), संजय केणेकर (संभाजीनगर) व मुरलीधर मोहोळ (पुणे) यांची प्रदेश सरचिटणीसपदी नियुक्ती केली आहे. ही नियुक्ती तत्काळ लागू करण्यात आली आहे.
