अमोल दरेकर
सणसवाडी : तळेगाव ढमढेरे (ता. शिरूर) ग्रामपंचायतीच्या वतीने दिवाळीनिमित्त कर्मचारी वर्गाला मिठाई देत आनंद साजरा करण्यात आला. ग्रामपंचायतीच्या माध्यमातून वर्षभर आरोग्य, स्वच्छता, पाणी पुरवठा अशा सेवा नागरिकांना देत, नागरी समस्या दूर करण्यासाठी अहोरात्र झटणाऱ्या कर्मचाऱ्यांना दिवाळी विशेष मिठाई, कपडे, बोनस देत त्यांच्या जीवनात आनंद निर्माण करण्यात आला.
उत्कृष्ट कामगार पुरस्कार देऊन सन्मान
ग्रामपंचायतीच्या कारभारात आपल्या कामगिरीतून लोकांना चांगली सेवा देणाऱ्या कर्मचाऱ्यांना या वर्षीपासून उत्कृष्ट कामगार पुरस्कार देण्याचा निर्णय झाल्याचे ग्रामविकास अधिकारी बापूसाहेब गोरे यांनी सांगितले. या वर्षीचा पुरस्कार हा पाणीपुरवठा आणि स्वच्छता विभागातील मनोज शेलार यांना देऊन सन्मानित करण्यात आले. या वेळी सामाजिक परिस्थितीचे भान राखत काम करणाऱ्या पत्रकारांचा सन्मान करण्यात आला.
या वेळी सरपंच अंकिता भुजबळ, राहुल भुजबळ, संदीप ढमढेरे, बाळासाहेब लांडे, मनोज आल्हाट, नवनिर्वाचित तंटामुक्ती अध्यक्ष संजय ढमढेरे, ग्रामविकास अधिकारी बापूसाहेब गोरे यासह कर्मचारी उपस्थित होते.
