शिक्रापूर : पुणे-अहमदनगर महामार्गावरील शिक्रापूरजवळ कंटेनरने कारला तब्बल २ किलोमीटर फरफटत नेल्याचा थरार व्हिडिओ सीसीटीव्ही कॅमेऱ्यात कैद झाला आहे. सुदैवाने या अपघातात कारमधील ४ प्रवास्यांचे प्राण वाचले आहे.
व्हिडिओ पाहण्यासाठी येथे क्लिक करा :
भरधाव कंटेरन जेव्हा फरफटत नेत होता, तेव्हा रस्त्यावर ठिणग्या उडत होत्या. या भीषण अपघातातून दैव बलवत्तर म्हणून चारही प्रवासी अगदी थोडक्यात बचावले आहेत. कारमधील एकालाही कोणतीही दुखापत झाली. मात्र अपघातामुळे सगळ्यांची मोठी घाबरगुंडी उडाली होती. काळ आला होता, पण वेळ आली नव्हती, याचा प्रत्यय कारमधील चारही प्रवाशांना आला.
दरम्यान, पुणे शहरासह जिल्ह्यात भीषण अपघाताचे सत्र सुरुच आहेत. गेल्या दोन दिवसापूर्वी हडपसर येथे कंटेनरने दिलेल्या धडकेत दुचाकी चालक महिलेचा अपघातात जागीच मृतू झाला होता. तर १ महिन्यापूर्वी लोणी स्टेशन येथे झालेल्या अपघातात कंटेनरने दोन सख्ख्या बहिणींना चिरडले होते. हडपसर, लोणी काळभोर आणि शिक्रापूर परिसरात दैनंदिन छोटे-मोठे अपघात होत असतात. यामध्ये काही नागरिकांना आपले प्राण गमवावे लागत आहे. तर काहींना आपले अवयव गमवावे लागत आहे.
