लहू चव्हाण
पाचगणी : पाचगणी येथील भारती विद्यापीठ हायस्कूलच्या विद्यार्थी, शिक्षक व कर्मचाऱ्यांनी स्वच्छता पखवाडा कार्यक्रम अंतर्गत श्रमदान करून शाळेचा परिसर व वर्ग खोल्यांची स्वच्छता केली आहे.
१ ते १५ सप्टेंबर या कालावधीत राज्यातील शाळांमध्ये स्वच्छता पखवाडा कार्यक्रम राबविण्यात येत आहे. या उपक्रमांतर्गत मुख्याध्यापक एस.एन.सावंत यांच्या पुढाकारातून शाळेतील शिक्षक, विद्यार्थ्यांना एकत्र करून स्वछतेला प्रारंभ केला. विद्यार्थी, शिक्षकांनी श्रमदान करून गाजरगवत व परिसरात झालेला कचरा साफ केला. आणि या कचऱ्याची विल्हेवाट लावली. त्यामुळे शाळेचा परिसर स्वच्छ झाला आहे.
या उपक्रमामध्ये शिक्षिका पुष्पलता माने, शिक्षक कुमार कांबळे, रमेश देशमुख शिक्षकेत्तर कर्मचारी सुनील जाधव, डी.एम.कुभांर व विद्यार्थ्यांनी सहभाग नोंदविला.
