Pune News : पुणे : कालिचरण महाराज यांच्याविरुद्ध धार्मिक तेढ निर्माण करणारे भाषण केल्याप्रकरणी सिंहगड रस्ता पोलीस ठाण्यात गुन्हा दाखल करण्यात आला. पोलीस हवालदार नितीन खुटवड यांनी सिंहगड रस्ता पोलीस ठाण्यात याप्रकरणी फिर्याद दिली आहे.
गुन्हा दाखल
याबाबत पोलिसांनी दिलेल्या अधिक माहितीनुसार, पोलीस हवालदार नितीन खुटवड यांनी दिलेल्या फिर्यादीनुसार, कालिचरण महाराज उर्फ अभिजीत धनंजय सराग (वय ४८) यांच्याविरुद्ध गुन्हा दाखल करण्यात आला. सिंहगड रस्ता भागातीाल सनसिटी रस्ता परिसरात छत्रपती शिवाजी महाराज जयंतीनिमित्त कालिचरण महाराज यांचे व्याख्यान आयोजित करण्यात आले होते. त्यावेळी कालिचरण महाराज यांनी धार्मिक तेढ निर्माण करणारे भाषण केले होते.
दरम्यान, धार्मिक तेढ निर्माण केल्याप्रकरणी कालिचरण महाराजांविरुद्ध यापूर्वी पुण्यासह राज्यभरात गुन्हे दाखल झाले आहेत. कालिचरण महाराजांनी केलेल्या भाषणाची ध्वनिचित्रफीत पोलिसांनी कायदेशीर बाबी विचारात घेऊन पडताळून पाहिली. त्यानंतरच गुन्हा दाखल करण्यात आला आहे.
या प्रकरणाचा अधिक तपास सहायक पोलीस निरीक्षक कादबाने करत आहेत.
