Pune News : पुणे : पोलिसांच्याच बंदूकीची चोरी तसेच चोरट्यांचा पाठलाग करताना पोलिसांवर चाकू हल्ला अशा घटना सातत्याने घडत असतात. आता चोरट्यांची मजल त्यापुढे गेली आहे. खडकी येथील आर्मीच्या बेस वर्कशॉपमधून चोरट्यांनी एका कर्नलचे पिस्तुल आणि तब्बल २० जिवंत काडतुसे चोरुन नेल्याची धक्कादायक घटना नुकतीच उघडकीस आली आहे.
खडकी पोलिसांकडे तक्रार दाखल
दरम्यान, चोरीची घटना घडल्याचे निदर्शनास येताच कर्नल समीर गर्ग (वय ५८, रा. आर्मड कोर्प सेंटर अँड र्स्कुल, अहमदनगर) यांनी खडकी पोलिसांकडे फिर्याद दिली आहे. (Pune News) खडकी पोलीस घटनेचा अधिक तपास करत आहेत.
याबाबत पोलिसांनी दिलेल्या माहितीनुसार, पूर्वी आर्मी बेस वर्कशॉपमध्ये समीर गर्ग यांची नियुक्ती झाली होती. त्यावेळी त्यांना येथे एक खोली देण्यात आली होती. (Pune News) त्यांनी आपले साहित्य व लोखंडी पेटी ठेवली होती. सध्या गर्ग यांची बदली अहमदनगर येथे झाली. मात्र, त्यांचे काही साहित्य पुण्यातच होते. ते अधूनमधून पुण्यात येत असतात.
दरम्यान, २१ मार्च ते १२ ऑगस्ट दरम्यान चोरट्याने आर्मी बेस वर्कशॉपची खिडकी तोडून आत प्रवेश केला. लोखंडी पेटीचे कुलूप तोडून त्यातील २५ हजार रुपयांचे पिस्टल व २ हजार रुपयांच्या पिस्टलची २० जीवंत काडतुसे चोरुन नेली. (Pune News) गर्ग पुण्यात आल्यानंतर चोरीचा हा प्रकार उघडकीस आला.
या प्रकरणाचा अधिक तपास पोलीस उपनिरीक्षक मगदूम करीत आहेत.
अधिक बातम्या वाचण्यासाठी येथे क्लिक करा :
Pune News : वैद्यकीय शिक्षणमंत्री हसन मुश्रीफ यांची ससून रुग्णालयाला अचानक भेट…!
Pune News : मुंढव्यात ४६ लाखांचे कोकेन, मेफेड्रोन जप्त; एका महिलेसह तिघांना अटक
Pune News : स्वच्छतेत पुणे स्थानक अनुत्तीर्ण; स्वारगेट, शिवाजीनगर काठावर पास
