अक्षय भोरडे
Shirur News : तळेगाव ढमढेरे, (शिरूर) : निमगाव म्हाळुंगी (ता. शिरूर) येथील विदया विकास मंदिर माध्यमिक व उच्च माध्यमिक विद्यालयाच्या एस एस सी बॅच २०१० – २०११ या माजी विद्यार्थ्याचा स्नेहसंमेलन सोहळा शिक्रापूर येथील मिडास हॉटेल या ठिकाणी नुकताच संपन्न झाला. तेरा वर्षांनंतर एकत्र येत सर्व मित्र मैत्रिणीनी स्नेहमेळाव्याचे आयोजन केले होते. (Shirur News)
माजी विद्यार्थ्याचा स्नेहसंमेलन सोहळा
यावेळी सर्वानीच स्नेहमेळाव्यास उपस्थित राहून शालेय जिवन जगत असतानाच्या जुन्या आठवणीना उजाळा देत गप्पा गोष्टी करत एकमेकांच्या परिवारासंबंधी, व्यवसाय व नोकरीबद्दलची माहिती जाणून घेतली तसेच सर्वच मित्र मैत्रिणींना जिवनात येणारे सुख दुःख एकमेकांना शेअर करण्याचे आवाहन सर्वच मित्रपरिवाराने केले. (Shirur News)
“मित्र वनव्यामध्ये गारव्यासारखा” या उक्तीप्रमाणे जिवणात मित्राची खूप गरज असते,मित्र हे जिवणातील अतिशय महत्त्वाचे घटक असतात, एखादया मित्राला अडचणी,दु: खाच्या वेळी मदतीला धावून जाण्याचा संकल्प सर्वांनी केला. तसेच अनाथ आश्रम माहेर संस्था वढू बुद्रूक ता. शिरूर या ठिकाणी सर्व विदयार्थ्याकडून दिपावली सणानिमित्त मिठाई वाटप करू असा संकल्पही यावेळी करण्यात आला.
दरम्यान, कार्यक्रमाच्या अध्यक्षस्थानी प्राध्यापक रमेश औटी सर तसेच मराठी विषयाचे श्रेष्ठ अभ्यासक प्रा. विष्णु मुंजाळे सर, रमेश जाधव सर, अरुण गोरडे सर, संगिता दहिफळे मॅडम, शिवाजी विधाटे सर, संजिव मांढरे सर यावेळी उपस्थित होते. सूत्रसंचालन गौरव पवार यांनी केले तर आभार मनिषा ढेरंगे यांनी मानले. (Shirur News)
