Nagar News : कोतवाली, (नगर) : चोरी केलेल्या दुचाकी विक्रीसाठी घेऊन आलेल्या दोघांना कोतवाली पोलिसांनी रंगेहाथ पकडले असून त्यांच्याकडून पोलिसांनी ६० हजार रुपयांच्या दोन दुचाकी ताब्यात घेतल्या आहेत. नगर शहरातील चाणक्य चौक व कोठी रस्त्यावरून या दोघांना ताब्यात घेण्यात आले आहे.(Nagar News)
दुचाकी विक्रीसाठी दोघांना कोतवाली पोलिसांनी रंगेहाथ पकडले.
वैभव सुरेश पठाडे (वय – २६, रा. आव्हाण खुर्द ता. शेवगांव जि. अहमदनगर) गणेश ढोल्या चव्हाण (वय – ३८, रा. दुधसागर सोसायटी केडगाव, अहमदनगर) अशी ताब्यात घेण्यात आलेल्या दोघांची नावे आहेत.(Nagar News)
कोतवाली पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, रविवारी (ता. ३०) कोतवाली पोलीस ठाण्याच्या हद्दीतील चाणक्य चौकात व कोठी रस्त्यावर दोन इसम चोरीच्या मोटरसायकल विक्री करण्यासाठी येत असल्याची माहिती पोलीस निरीक्षक चंद्रशेखर यादव यांना मिळाली होती.(Nagar News)
मिळालेल्या माहितीनुसार, गुन्हे शोध पथकाला योग्य त्या मार्गदर्शनाखाली कारवाईच्या सूचना दिल्या होत्या. पोलीस अंमलदारांनी सापळा लावून चाणक्य चौकात चोरीची स्पेलंडर प्रो मोटारसायकल विक्रीसाठी आलेल्या वैभव पठाडे याला ताब्यात घेतले. तसेच कोठी रस्त्यावरून गणेश ढोल्या चव्हाण याला चोरीतील हिरो होंडा स्प्लेंडर मोटारसायकलसह ताब्यात घेतले. प्रत्येकी तीस हजार रुपये किमतीच्या दोन मोटरसायकल जप्त करण्यात आले आहे.(Nagar News)
आरोपी वैभव पठाडे याच्यावर कोतवाली तोफखाना आणि शेवगाव पोलीस ठाण्यात मोटरसायकल चोरीचे सात गुन्हे दाखल आहेत तर गणेश चव्हाण याच्यावर कोतवाली पोलीस स्टेशन येथे मारामारीचा एक गुन्हा दाखल आहे.(Nagar News)
सदरची कामगिरी पोलीस निरीक्षक चंद्रशेखर यादव, पोलीस हवालदार गणेश धोत्रे, पोलीस नाईक योगेश भिंगारदिवे, ए पी इनामदार, संदिप थोरात, अमोल गाडे यांनी ही कारवाई केली.(Nagar News)
