Sasvad News : लोणी काळभोर, (पुणे) : गावी येण्यासाठी व जाण्यासाठी घरचे मोटारसायकल घेऊन देत नसल्याने सासवड व बारामती पोलीस ठाण्याच्या हद्दीतून गाड्या चोरून वापरणाऱ्या एकाला सासवड पोलिसांनी ताब्यात घेतले आहे. (Sasvad News)
अल्ताफ ईकरार सय्यद, वय – २०, रा. निवृत्ती कार डेकोर, वाशिंग सेंटर जवळ, रूई एम.आय.डी.सी, बारामती, ता. बारामती, जि. पुणे. मुळ रा. सेक्टर २२, पुरानी सिमापुरी, नोयडा, दिल्ली, उत्तर प्रदेश) असे अटक करण्यात आलेल्या आरोपीचे नाव आहे. चोरी केलेल्या गाडया काही दिवस वापरून पुन्हा दुसरी गाडी चोरी करीत होता. त्याच्याकडून पोलिसांनी १ लाख ८५ हजार रुपयांच्या ५ मोटारसायकल जप्त केल्या आहेत. (Sasvad News)
पोलिसांनी १ लाख ८५ हजार रुपयांच्या ५ मोटारसायकल जप्त केल्या;
पोलिसांनी दिलेल्या माहितीनुसार, सासवड पोलीस ठाण्याच्या हद्दीतील जेजुरी नाका परिसरात पोलीस हवालदार संतोश शिंदे, गणेश पोटे, योगेश गरूड, वाहतुक वार्डन ऋतुराज देसाई, विक्रम जगताप असे सासवड शहरात जेजुरी नाका येथे वाहतुक नियमन तसेच वाहतुक कारवाई करीत होते. (Sasvad News)
दुपारी तीन वाजण्याच्या सुमारास एक संशयीत इसम मोटार सायकल घेवुन जातांना दिसुन आला. त्याला थांबवून गाडीचे कागदपत्र वाहन चालवण्याचा परवाना मागितला असता त्याने उडवा उडवीची उत्तरे दिली व तो त्याचे ताब्यातील होंडा शाईन गाडी सोडुन नारायणपुर बाजुकडे पळुन गेला. (Sasvad News)
यावेळी पोलिसांनी त्याचा पाठलाग करून ताब्यात घेतले. त्याच्याकडे अधिक चौकशी केली असता त्याने सदरची मोटार सायकल मी बारामती रूई एम.आय.डी.सी परीसरातुन चोरलेली असल्याची कबुली दिली. तसेच सासवड व बारामती पोलीस ठाण्याच्या हद्दीतून त्याने १ लाख ८५ हजार रुपयांच्या ५ मोटारसायकल चोरी केल्याची कबुली पोलिसांना दिली आहे. (Sasvad News)
