मृतकाचा फोटो 
Loni Kalbhor News लोणी काळभोर : लोणी काळभोर (ता. हवेली) येथील ३४ वर्षीय तरुणाचा मृतदेह शिर्डी पोलीस ठाण्याच्या हद्दीत आज रविवारी (ता.३०) आढळला. या मृतदेहाची ओळख पटली असून, मृताच्या नातेवाईकांशी संपर्काचे लोणी काळभोर पोलिसांसमोर आव्हान आहे. (Loni Kalbhor News)
दीपक भाऊसाहेब पवार (वय-३४ रा. लोणी काळभोर) असे मृत तरुणाचे नाव आहे. या तरुणाचा मृतदेह जरी आढळला असला तरी त्याच्या नातेवाईकांचा शोध घेण्याचे पोलिसांसमोर आव्हान बनले आहे. (Loni Kalbhor News)
शिर्डी पोलिसांनी मृतकाच्या नातेवाईकांशी संपर्क करण्याचा प्रयत्न केला पण तो होऊ शकला नाही. त्यामुळे शिर्डी पोलिसांनी मृतकाच्या नातेवाईकांचा शोध घेण्यासाठी याबाबतची माहिती लोणी काळभोर पोलिसांना दिली आहे.
दरम्यान, मृतकाच्या नातेवाईकांनी लोणी काळभोर पोलिसांशी ०२०-२९९९५२६० /९५२७३५४९०७ (शिर्डी) या दूरध्वनी क्रमांकावर त्वरित संपर्क करावा, असे आवाहन लोणी काळभोर पोलिसांनी केले आहे.
