Accident News : शिक्रापूर (पुणे) : चाकण – शिक्रापूर रस्त्यावर भरधाव कारने कंटेनरला पाठीमागून जोरात दिलेल्या धडकेत कारमधील दोघांचा जागेवरच मृत्यू झाल्याची घटना घडली आहे. चाकण-शिक्रापूर रोडवरील मोहितेवाडी परिसरात हा अपघात झाला आहे. Accident News :
आदित्य धर्मा मेमाने (वय २७, रा. कुरुळी, ता. खेड) व अमोल व्यंकटराव लोमटे (वय ३२) अशी मृत्यू झालेल्यांची नावे आहेत. याप्रकरणी रुग्णवाहिकाचालक दिनेश जोगदंड यांनी चाकण पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, आदित्य मेमाने आणि त्यांचा मित्र अमोल लोमटे चाकण – शिक्रापूर रोडने कारमधून जात होते. आदित्यने कार वेगात चालवून समोरील कंटेनरला पाठीमागून जोरात धडक दिली. त्यात आदित्य आणि अमोल यांचा मृत्यू झाला. Accident News
