सुरेश घाडगे
परंडा : श्री शिवशंभु महादेवाची श्रावणमास निमित्त भुईकोट किल्ला, परंडा येथे श्रावणी सोमवार ( दि. २२ ) मिरवणुक व महापुजा यांसह विविध धार्मि कार्यक्रमांचे आयोजन करण्यात आले आहे. हि माहिती मंदिराची दैनंदिन सेवा करणारे राजाभाऊ उत्रेश्वर गिराम यांनी दिली आहे.
महादेवाच्या मंदिरात रविवारी दि.२१ रोजी रात्री भजन, हरीजागर सोमवारी दि. २२ रोजी सकाळी ६ ते ७ महाभिषेक, ह. भ. प. गीतांजली महाराज अभंग-भुजबळ यांचे ८ ते ११ किर्तन व सकाळी ११ ते दुपारी २:३० श्री ची सवाद्य शहरातील प्रमुख मार्गावरुन मिरवणूक असून श्रीकृष्ण मंदिर संस्थान वारकरी सांप्रदायीक गुरुकुल संत बावी ( ता.बार्शी जि. सोलापूर) येथील बालवारकरी यांचा मिरवणुक दिंडीमध्ये सहभाग असणार आहे.
वेळापुर रेणुका सनई वादक व बँड, हलगी, लेझीम पथक आहे .दुपारी २:३० ते ६ या वेळेत भाविक भक्तांना महाप्रसाद वाटप होईल . या कार्यक्रमाचा लाभ नागरिकांनी घ्यावा, असे आवाहन शिव मंदीर सेवा मंडळ, भुईकोट किल्ला, परंडा यांच्या वतीने करण्यात आले आहे.
