लहू चव्हाण
Pachgani News : पाचगणी, (सातारा) : थकित करवसुलीपोटी दोन मिळकती पालिकेकडून सील करण्यात आल्यायाची माहिती पाचगणी गिरिस्थान नगरपरिषदचे प्रशासक तथा मुख्याधिकारी निखिल जाधव यांनी दिली आहे. (Pachgani News)
थकबाकी कराची रक्कमेची वसुली करणेकामी साई प्रसाद इमारत व नचिकेत हायस्कूल या मिळकती सील करण्यात आल्या आहेत. पालिकेच्या वसुली पथकाने नगरपरिषद हद्दीत पाचगणी गिरिस्थान नगरपरिषदचे प्रशासक तथा मुख्याधिकारी निखिल जाधव यांच्या मार्गदर्शनाखाली मालमत्ता कर थकबाकी वसुली मोहीम राबविण्यात आली होती. (Pachgani News)
यावेळी नगरपरिषदेचे वसुली पथक प्रमुख सपना शेवाळे, सहायक कर निरीक्षक धनंजय थोरात, मिळकत व्यवस्थापक, जयंती गुजर, लिपिक राजश्री सणस, कालिदास शेंडगे, बांधकाम विभाग प्रमुख रवींद्र कांबळे, सुर्यकांत कासुर्डे, तानाजी कासुर्डे, प्रकाश हिरवे, अशपाक पठाण, नितीन मर्ढेकर, शशिकांत मोहिते आदी कर्मचाऱ्यांनी सहभागी होते.
दरम्यान, याबाबत प्रशासक तथा मुख्याधिकारी निखिल जाधव म्हणाले, “मिळकत धारकांनी त्यांचे येणे बाकी असलेली कराची रक्कम त्वरित नगरपरिषद कार्यालयात भरणा करणेत यावी व नगरपरिषदेस सहकार्य करावे असे आवाहन केले आहे.”
