Medicine News : नवी दिल्ली : जागतिक आरोग्य संघटनेने (डब्ल्यूएचओ) सात भारतीय कफ सिरप तयार करणाऱ्या कंपन्यांवर बंदी घातली आहे. आफ्रिकन देश गांबियासह जगभरातील ३०० लोकांच्या मृत्यूला जबाबदार धरून, हा निर्णय घेण्यात आला आहे. यामुळे भारताच्या औषध निर्माण क्षेत्राला मोठा धक्का बसला आहे. (Medicine News)
सात भारतीय कफ सिरप तयार करणाऱ्या कंपन्यांवर बंदी घातली आहे.
केंद्रीय आरोग्यमंत्री मनसुख मांडविया यांनी याप्रकरणी बनावट औषधे कधीही सहन केली जाणार नसल्याचे म्हटले आहे. औषधांचा दर्जा सुनिश्चित करण्यासाठी सर्वसमावेशक जोखमीवर आधारित विश्लेषण केले जात आहे. भारत औषधांच्या गुणवत्तेशी कधीही तडजोड करणार नाही. बनावट औषधांमुळे कोणाचाही मृत्यू होऊ नये यासाठी आम्ही सदैव सतर्क असतो, असे ते म्हणाले. डब्ल्यूएचओने गांबियातील ६६ मुलांच्या मृत्यूसाठी भारतीय कफ सिरपला जबाबदार धरले आहे. कंपनी आणि नियामक अधिकारी या कंपन्यांची चौकशी करत आहेत.(Medicine News)
या देशांमध्ये अलर्ट
जगातील अनेक देशांमध्ये गेल्या काही महिन्यांत दूषित कफ सिरपमुळे ३०० मुलांचा मृत्यू झाला आहे. कफ सिरपव्यतिरिक्त डब्ल्यूएचओने व्हिटॅमिन बनवणाऱ्या कंपन्यांचीही तपासणी केली आहे. या विषारी कफ सिरपच्या विक्रीबाबत आतापर्यंत ९ देशांमध्ये अलर्ट जारी करण्यात आला आहे.
• डब्ल्यूएचओ भारत आणि इंडोनेशियामध्ये कफ सिरप आणि व्हिटॅमिन बनवणाऱ्या २० कंपन्यांची चौकशी करत आहे.
• या कंपन्यांच्या औषधांमध्ये डायथिलीन ग्लायकॉल आणि इथिलीन ग्लायकॉलचे प्रमाण अधिक आढळून आले आहे, (Medicine News)अशी माहिती एका एजन्सीच्या अधिकाऱ्याने दिली.
• चार कफ सिरपच्या विरोधात अलर्ट जारी करण्यात आला आहे. या औषधांमुळे गांबियातील ६६ मुलांची किडनी निकामी झाल्याने मृत्यू झाला.
• भारतातील कफ सिरपमुळे कॅमेरूनमध्येही १२ मुलांचा मृत्यू झाल्याचे समोर आले आहे. हे कफ सिरप इंदूर येथील कंपनीकडून तयार केले जाते.
फेक ड्रग्जमध्ये अडकली फार्मसी
• बनावट औषधे तयार करणाऱ्या ७१ कंपन्यांना नोटीस.
• १८ कंपन्यांना उत्पादन थांबविण्याचे आदेश.
• १२५ पेक्षा अधिक कंपन्यांमध्ये जोखीम आधारित विश्लेषण.
• १७.६ अब्ज अमेरिकन डॉलरचे कफ सिरफ भारताने २०२२-२३ मध्ये निर्यात केले.
• ५०%+ लसींचा पुरवठा जगाला भारतातून.
• ४०% जेनेरिक औषधांचा पुरवठा अमेरिकाचा.
• १ जूनपासून खोकल्याच्या औषधांचे परीक्षण बंधनकारक.
• भारत औषध उत्पादनात तिसऱ्या क्रमांकावर असून, मूल्यानुसार १४ व्या क्रमांकावर आहे.(Medicine News)
कफ सिरफने झालेले मृत्यू
• गांबिया- ६६
• उझबेकिस्तान- १८
• कॅमेरून- १२
