लोणी काळभोर : पुणे- सोलापूर महामार्गावरील कदमवाकवस्ती (ता. हवेली) ग्रामपंचायत हद्दीतील कवडी पाट टोलनाक्याजवळ आज बुधवारी (ता. १७) दुपारी बारा वाजण्याच्या सुमारास काही वेळाकरिता भीतीचे वातावरण निर्माण झाले होते.
कवडीपाट टोलनाक्याजवळ लोणी काळभोर, हडपसर, कोंढवा आणि हडपसर परिमंडळ ५ चे आरसिपी पोलीस असे ५० हून अधिक पोलीस कर्मचारी जमा झाले होते. तसेच अग्निश्गामक दलाचे पथक व रुग्णवाहिका त्यांच्यासोबत होती. अचानक अनेक पोलिस एकाच वेळेस या परिसरात आल्याने काही काळ नागरिक ही घाबरले होते.
पोलिसांचा फौज फाटा जास्त असल्याने येथून प्रवास करणाऱ्या नागरिकांना मात्र या ठिकाणी नेमक काय चाललंय हे मात्र कळेना. मात्र थोडया वेळाने हे मॉक ड्रिल आहे. हे समजतात नागरिकांनी निटकेचा श्वास सोडला. दरम्यान, संवेदनशील व अतिसंवेदनशील भागात आगामी सण-उत्सवांच्या काळात शांतता प्रस्थापित करण्यासाठी दंगा काबू योजना घेण्यात येते.
यावेळी बोलताना लोणी काळभोर पोलीस ठाण्याचे वरिष्ठ पोलीस निरीक्षक राजेंद्र मोकाशी म्हणाले कि, आगामी निवडणुका, सन आणि उत्सवाच्या पार्श्वभूमीवर लोणी काळभोर पोलिसांचे मॉक ड्रिल करण्यात आले आहे. कोणताही अनुचित प्रकार घडू नये, यासाठी नागरिकांनी दक्षता घ्यावी. व सर्व घटकातील नागरिकांनी कायद्याचे पालन करावे. असे आवाहन मोकाशी यांनी यावेळी केले आहे.
यावेळी लोणी काळभोर पोलीस ठाण्याचे पोलीस निरीक्षक (गुन्हे) सुभाष काळे, पोलीस उपनिरीक्षक सदाशिव गायकवाड, हनुमंत तरटे, अमित गोरे, पोलीस हवालदार संतोष होले, राजेश दराडे, रामदास मेमाणे व पोलीस कर्मचारी मोठ्या संख्येने उपस्थित होते.
