Pune News : पुणे : जू्न्या वादातातून एका दुश्मनाला शोधण्यासाठी आलेल्या ६ जणांच्या टोळक्याने तळजाई परिसरातील वनशिव वस्तीमध्ये पहाटे धुमाकूळ घातला. तसेच दहशत पसरवत रस्त्याच्या कडेला पार्क केलेल्या तब्बल 26 हून अधिक वाहनांची तोडफोड केली. ही घटना घडल्यानंतर वारजे माळवाडी पोलिसांनी काही तासातच तोडफोडीचा सुत्रधार पपुल्या उर्फ दिगविजय वाघमारे (20, रा. रामनगर, वारजे माळवाडी) याला ताब्यात घेतले आहे.
केली होती 26 हून अधिक वाहनांची तोडफोड
पोलिसांनी दिलेल्या माहितीनुसार, वारजे येथील खूनाचा प्रयत्नाच्या गुन्ह्यातील आरोपी एकाला शोधण्यासाठी पहाटे साडेतीन वाजण्याच्या सुमारास वनशिव वस्तीमध्ये आले होते. त्याचा पत्ता लागला नाही. (Pune News) त्यामुळे या टोळक्याने रस्त्याच्या कडेला उभ्या केलेल्या वाहनांवर हातातील कोयते, लोखंडी गज, लाठ्यांनी मारण्यास सुरुवात केली. दगडफेक करुन या वाहनांच्या काचा फोडल्या.
या घटनेमुळे संपूर्ण परिसरात दहशत पसरली आहे. या मार्गावरील रिक्षा, दुचाकी, काही कार तसेच काही घरांवरही या टोळक्यांनी दगडफेक केली. (Pune News ) या घटनेची माहिती मिळताच पोलिसांनी घटनास्थळी धाव घेतली. आरोपींची ओळख पटली असून त्यांचा शोध घेतला जात आहे.
टोळक्यांनी नुकसान केलेल्या गाड्यांची मोजदाद करुन गुन्हा दाखल करण्याची प्रक्रिया सुरु असल्याचे सहकारनगर पोलीस ठाण्याचे वरिष्ठ पोलीस निरीक्षक सावळाराम साळगावकर यांनी सांगितले.
अधिक बातम्या वाचण्यासाठी येथे क्लिक करा :
Pune News : येरवडा कारागृहात गुंडांच्या टोळ्यांमध्ये तुफान राडा ; येरवडा पोलीस ठाण्यात फिर्याद
Pune News : पुण्यातील त्या पती-पत्नीच्या मृत्यूचं गूढ अखेर उलगडलं…
