Pune News : पुणे : मजूर आणि बांधकाम साहित्य घेऊन जाणारा भरधाव पिकअप टेम्पो पलटी होऊन भीषण अपघात झाल्याची बातमी समोर आली आहे. पुणे जिल्ह्यातील भोरमधील नेकलेस पॉईंटजवळ हा अपघात झाला आहे. या अपघातात टेम्पोमधील 7 मजूर जखमी झाले आहेत. पुण्याहून भोरच्या दिशेने येत असताना टेम्पो चालकाचे गाडीवरील नियंत्रण सुटल्यानं हा अपघात झाला.
जखमी मजूर परप्रांतीय
मिळालेल्या माहितीनुसार, अपघातग्रस्त पिकअप टेम्पो मजूर आणि बांधकाम साहित्य घेऊन पुण्याहून भोरच्या दिशेने निघाला होता. (Pune News) त्यावेळी चालकाचं गाडीवरील नियंत्रण सुटलं आणि हा टेम्पो पुण्याच्या भोरमधील नेकलेस पॉईंटजवळ पलटी झाला. यामध्ये पिकअपमध्ये असलेले 7 मजून जखमी झाले. जखमी मजूर परप्रांतीय आहेत.
दरम्यान, अपघाताची माहिती मिळताच स्थानिकांनी जखमींना उपचारासाठी तातडीने रुग्णालयात दाखल केले. (Pune News) या अपघातामुळे काही काळ त्या ठिकाणची वाहतूक विस्कळीत झाली होती. राजगड पोलीस पुढील तपास करत आहेत.
अधिक बातम्या वाचण्यासाठी येथे क्लिक करा :
Pune News : पती-पत्नीतील कौटुंबिक वादावरून एनडीएतील अधिकाऱ्याला पत्नीसह सासू-सासऱ्याकडून मारहाण
Pune News : लायसन्ससाठी ५० हजाराच्या लाचेची मागणी करणारा लिपीक एसीबीच्या जाळ्यात
Pune News : काळजी मिटली ! ससूनमध्ये आपत्कालीन स्थितीत केवळ १२० सेकंदांत मिळणार उपचार
