Pimpri News : पिंपरी-चिंचवड : पूर्ववैमनस्यातून दोघांना टोळक्याने कोयता व सिमेंटच्या गट्टूने मारहाण केल्याचा धक्कादायक प्रकार समोर आला आहे. हा प्रकार वाकड येथील दत्तमंदिर रोड येथे शुक्रवारी (दि.2) रात्री घडला. पाच ते सहा जणांनी मिळून जबर मारहाण केली आहे. (In Wakad, two were beaten up by a gang with a hammer and a cement stick due to previous enmity)
सहा जणांवर गुन्हा दाखल
याप्रकरणी महेश गंगाधर साळवे (वय 24 रा. वाकड) यांनी वाकड पोलीस ठाण्यात तक्रार दाखल केली आहे. पोलीसांनी ओमकार विलास डोलारे (वय 22 रा.वाकड) याला अटक केली असून (Pimpri News ) आप्पा पवार (वय 25), पिराजी खणकारे (वय 23), अजिंक्य उर्फ भाव्या सपकाळ (वय 21) व सागर घडसिंग (वय 25) सर्व रा. वाक़ड व त्यांचे दोन साथीदार यांच्यावर गुन्हा दाखल करण्यात आला आहे.
मिळालेल्या माहितीनुसार, तक्रारदार व त्यांचे मित्र युवराज मल्हारी साळवे हे रोडवरून पायी जात असताना आरोपींनी जुन्या भांडणाचा राग मनात ठेवून युवराजकडे बोट दाखवत हाच तो म्हणत इशारा केला. यावेळी आरोपींनी लाथा बुक्यांनी युवराजला मारहाण करण्य़ास सुरुवात केली. (Pimpri News ) यावेळी फिर्यादींनी मध्यस्थी केली असता , दोघानांही सिमेंटच्या गट्टूने व कोयत्याने डोक्यात मारत गंभीर जखमी केले. यावेळी आप्पा पवार याने हातातील कोयता हवेत फिरवत आम्ही या भागातले डॉन आहोत अशी धमकी दिली. यामुळे जमलेले नागरिक तेथून पळून गेले तर दुकानदारांनी आपली दुकाने बंद केली. यावेळी आरोपींनी फिर्यादीच्या खिशातील 1 हजार 800 रुपये काढून घेतले. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri News : धक्कादायक! पिंपरी-चिंचवडमध्ये दिराकडून वहिनीवर अत्याचार
Pimpri News : महाराष्ट्र प्रदेश काँग्रेस कमिटी युवक व क्रीडा सेलच्या अध्यक्षपदी समिता राजेंद्र गोरे
Pimpri News : दिघीत महिलेचा विश्वास संपादन केली फसवणूक; सोने व रोख रक्कम लंपास
