Bhosari News : भोसरी: मस्करीत मद्यधुंद अवस्थेत असलेल्या मित्राच्या खिशातुन मोबाईल काढला. या कारणावरून दोघां मित्रांमध्ये वाद झाला. या वादात दगडाने ठेचून एकाची हत्या करण्यात आल्याची धक्कादायक घटना पिंपरी- चिंचवडच्या भोसरी एमआयडीसी परिसरात घडली आहे. (The joke is on life; A friend was killed by being crushed by a stone, an incident in Pune’s Bhosari MIDC area)
नारायण वसंत वाघमारे असे हत्या झालेल्या तरुणाची नाव आहे. याप्रकरणी अमर उर्फ एक्का गौतम कसबे याच्या विरोधात गुन्हा दाखल करण्यात आला असून त्याला पोलिसांनी बेड्या ठोकल्या. (Bhosari News) मयत नारायण यांचे बंधू भगवान वसंत वाघमारे यांनी याबाबत भोसरी एमआयडीसी पोलिसात तक्रार दिली आहे.
भोसरी एमआयडीसी परिसरातील घटना
पोलिसांनी दिलेल्या माहितीनुसार, आरोपी अमर आणि हत्या झालेला नारायण हे दोघे मित्र होते. शुक्रवारी, दुपारी तीनच्या सुमारास हे दोघे इंद्रायणी नगर येथील यशवंत चौकात गप्पा मारत थांबले, दोघांनी मद्यपान केला असल्याचं पोलिसांनी सांगितले आहे. (Bhosari News) मस्करीत अमरच्या खिशातील नारायणने मोबाईल काढला याच रागातून दोघांमध्ये वाद झाले. अमरने नारायणला हाताने मारहाण करत जमिनीवर पाडले. त्यानंतर डोक्यात दगड घालून त्याला गंभीर जखमी केले. रक्तबंबाळ झालेल्या नारायणला तातडीने जवळच्या खासगी रुग्णालयात घेऊन जाण्यात आलं. (Bhosari News) त्याचा आज उपचारादरम्यान मृत्यू झाला आहे. याप्रकरणी भोसरी एमआयडीसी पोलीस ठाण्यात हत्येचा गुन्हा दाखल करण्यात आला असून आरोपी अमरला अटक करण्यात आली आहे.
अधिक बातम्या वाचण्यासाठी येथे क्लिक करा :
MLA Mahesh Landge News : प्रवीण पिसाळ यांच्या कुटुंबियांना आमदार लांडगे यांची मदत
Bhosari crime : सोने म्हणून दिली पिवळ्या रंगाच्या धातूची बिस्किटे; ६५ वर्षीय महिलेची फसवणूक
Pune Crime News : माझ्याकडे पण वर्दी म्हणत पोलीस महिलेला मारहाण…!
