Ajit Pawar | बारामती, (पुणे) : दिवसा मतदान करा. यात्रा जत्रा रात्री. काय कापाकापी करायची, तमाशा बघायचा तो रात्री बघा. त्या गौतमी पाटील बाईला बोलवा, अशा मिश्किल शब्दांमध्ये विरोधी पक्ष नेते अजित पवार यांनी कार्यकर्ता व पदाधिकाऱ्यांना बाजार समितीच्या निवडणुकीमध्ये मतदान करण्याचे आवाहन केले. अजितदादांच्या या वक्तव्यानंतर कार्यकर्ता मेळाव्यात मात्र चांगलीच खसखस पिकली..
कृषी उत्पन्न बाजार समिती निवडणुकीच्या पार्श्वभूमीवर रणधुमाळी सुरू आहे. राष्ट्रवादी पुरस्कृत रयत पॅनलच्या माध्यमातून जाहीर कार्यकर्ता व मेळाव्याचे आयोजन करण्यात आले होते. यावेळी विरोधी पक्षनेते अजित पवार बोलत होते. पुढे बोलताना पवार म्हणाले की, माझ्या विषयी अनेक बातम्या पसरवण्याचे काम केलं. पत्रकार जरा कुठ गेलं तर अजित पवार नॉट रीचेबल. बाकी लोक आहेत की माझ्या मागे का आहेत बाबा? एखाद्याच्या मागे लागायचं म्हणजे किती मागे लागायचे? मी असं का बोललो असं विचारले जाते.
मी माझ्या मनात येते ते बोलतो. लोकांना असं वाटतं की १९ ला जसं केलं तसेच जातो की काय. पण मी आज तुम्हाला सांगतो की मी कायमच राष्ट्रवादी मध्ये राहणार असल्याचा अजित पवारांचा पुनरुच्चार. अजित पवार आणि बारामती असं एक नातं तयार झालं आहे. येणाऱ्या बातम्याकडे लक्ष देऊ नका असे आवाहन पवारांनी यावेळी कार्यकर्त्यांना केले.
दरम्यान, आज विरोधक इथे काही खोडा घालण्याचा प्रयत्न करीत आहेत. विरोधकांना माझं सांगणे आहे की राज्यात आणि केंद्रात त्यांचे सरकार आहे. त्यांनी काय आणले आपल्या बारामती साठी यांनी काहीच आणले नाही जे आहे ते बिघडवण्याचे काम सुरू असल्याचे पवार म्हणाले.
मी सरकारला कोणताही सॉफ्ट कॉर्नर देत नाही…
मी विशिष्ट नेत्यांच्या बाबतीत सॉफ्ट आहे अस बोललं जातो. पवार साहेबांचा सुसंस्कृत राजकारणाचा वारसा आपण पुढे घेऊन जाण्याचे काम करतो आहे. एखाद्या माझ्या विचाराचा नसेल तर त्याच्या गचुद्याला पकडू का? अनेक राज्यात विधान भवनात हणामारी होते. मी सरकारला कोणताही सॉफ्ट कॉर्नर देत नाही..कंगना राणावतचा सिनेमा आहे. तुम्हाला वाटेल याला कसं माहिती कंगना राणावत. तुम्हाला जसे सिनेमा पाहावा असे वाटते तसे मला देखील पाहावं वाटतं.
अधिक बातम्या वाचण्यासाठी येथे क्लिक करा….!
