(Baramati Crime ) बारामती, (पुणे) : बारामती तालुक्यातील सुप्यात महालक्ष्मी ज्वेलर्स या सराफी दुकानात गोळीबार कडून फरार झालेल्या आणखी एका दरोडेखोराला पकडण्यात बारामती ग्रामीण पोलिसांना यश आले असून पकडण्यात आलेल्या आरोपींची संख्या ही २ झाली आहे. या घटनेत २ जण जखमी झाले आहेत.
पवन विश्वकर्मा (रा. उत्तर प्रदेश) आणि प्रदीप बिसेन (रा. गोंदिया) असे पकडण्यात आलेल्या दोन आरोपींची नावे आहेत.
या घटनेचा सीसीटीव्ही फुटेज समोर…!
पोलिसांनी दिलेल्या माहितीनुसार…!
शुक्रवारी (ता. ३१) सायंकाळी साडेपाच वाजण्याच्या सुमारास बारामती तालुक्यातील सुपे या गावामध्ये असणाऱ्या महालक्ष्मी ज्वेलर्स या सोन्या चांदीच्या दुकानावर ५ ते ६ जणांच्या टोळक्याने दरोडा टाकला होता. दुकानातून बाहेर पडताना यातील काहींनी गोळीबार केला होता. यात २ जण जखमी झाले होते. एकाला नागरिकांनी पडकून पोलिसांच्या हवाली केले होते. सदर घटनेचा तपास वडगाव निंबाळकर पोलीस करताना आणखी एका आरोपीच्या मुसक्या पोलिसांनी आवळल्या आहेत.
दरम्यान, त्यांच्यातील बहुतेकांकडे ओरिजनल पिस्टल होते. दुकान लुटून बाहेर पडताना त्यांना लोकांकडून प्रतिकार झाल्यानंतर आरोपिंनी बेछुट गोळीबार सुरु केला. यात दोनजण जखमी झाले. दरोडेखोरांनी लोकांच्या दिशेने ३ गोळ्या झाडल्या होत्या. यामध्ये एक व्यक्ती गंभीर जखमी झाली होती. तर एकजण किरकोळ जखमी झाली आहे. या घटनेचा अधिक तपास पोलिस उपनिरीक्षक एस. जी. शेख करीत आहेत.
अधिक बातम्या वाचण्यासाठी येथे क्लिक करा….!
Baramati Crime : हातपाय बांधलेल्या अवस्थेत ५० वर्षीय व्यक्तीचा विहरीत आढळला मृतदेह ; परिसरात खळबळ!
Baramati Crime : बारामती तालुका पोलीस ठाण्यातील हवालदाराने ९ हजाराची लाच मागितल्याप्रकरणी अटक..!
