Kharadi Crime | पुणे : शहरात लुटमार करणाऱ्यांसोबतच घरफोड्या करणाऱ्या चोरट्यांनी उच्छाद घातला असून, खराडीतील (Kharadi )बंद फ्लॅट या चोरट्यांनी भरदिवसा फोडत दिड लाखांचा ऐवज चोरून नेला आहे.
याप्रकरणी चंदननगर पोलीस ठाण्यात आशिष केवट (वय ३०) यांनी तक्रार दिली आहे. त्यानूसार, अज्ञात चोरट्याविरोधात गुन्हा दाखल केला आहे.
मिळालेल्या माहितीनुसार, तक्रारदार हे खराडीतील खराडकर पार्क येथे राहतात. दरम्यान, ते दुपारी सव्वा दोनच्या सुमारास काही कामानिमित्त घराला कुलूप लावून गेले होते. यावेळी चोरट्यांनी त्यांच्या घराचे कुलूप उचकटून आत प्रवेश केला.
तसेच, घरातील १ लाख ४६ हजार रुपयांचा ऐवज चोरून पोबारा केला. तक्रारदार दुपारी साडे चारच्या सुमारास आले असता त्यांना चोरी झाल्याचे दिसून आले. त्यानंतर त्यांनी पोलिसांना घटनेची माहिती दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…!
