(Manchar Accident ) मंचर, (पुणे) : अवसरी फाटा ते पारगाव रस्त्यावरील अवसरी (ता. आंबेगाव) ग्रामपंचायत हद्दीत स्कार्पिओ गाडी व उसाचा ट्रक यांची समोरासमोर धडक झाली. या भीषण अपघातात स्कार्पिओ गाडीतील पाच जण गंभीर जखमी झाल्याची घटना घडली आहे. रविवारी (ता. १९) सायंकाळी पाच वाजण्याच्या सुमारास ही घटना घडली आहे.
जखमींना मंचर येथील खाजगी रुग्णालयात उपचारासाठी दाखल…!
चालक संतोष सोपान पवार (वय ४०), अपर्णा संतोष पवार (वय ३६), अदिती संतोष पवार (वय १०) (सर्व रा.निघोजे ता.खेड), प्राजक्ता प्रदीप ठाकूर (वय २७), ज्ञानदा प्रदीप ठाकूर (वय ३) (सर्व रा. ठाकूर पिंपरी ता. खेड) अशी जखमींची नावे आहेत. परिसरातील नागरिकांनी मदत करून जखमींना मंचर येथील एका खाजगी रुग्णालयात उपचारासाठी दाखल केले.
मिळालेल्या माहितीनुसार, स्कार्पिओ गाडीतील सर्वजण पिंपळगाव खडकी (ता. आंबेगाव) नातेवाईकांना भेटण्यासाठी गेले होते. त्यांना भेटून अवसरी खुर्दमार्गे निघोजे गावाकडे स्कार्पिओ गाडीतून चालले होते.
दरम्यान, विरुद्ध दिशेने ऊस वाहतूक करणाऱ्या ट्रकची व स्कार्पिओ गाडीची समरसमोर धडक झाली. दोन्ही गाड्या फरफटत दहा ते बारा फुट पुढे गेल्या. स्कार्पिओ गाडीच्या पुढील भागाचा चक्काचूर झाला असून ट्रकच्याही चालकाच्या बाजूचा भाग निकामी झाला. परिसरातील नागरिकांनी मदत करून जखमींना मंचर येथील एका खाजगी रुग्णालयात उपचारासाठी दाखल केले. पुढील तपास मंचर पोलीस करित आहेत.
अधिक बातम्या वाचण्यासाठी येथे क्लिक करा…!
Accident : लोणावळा येथील लोहगड किल्ल्याजवळ सहलीला आलेल्या ७२ विद्यार्थ्यांची बस ४० फुट दरीत कोसळली!
