पिंपरी : चिंचवड पोटनिवडणुकीत विजयी झालेल्या भाजपाच्या नवनिर्वाचित आमदार अश्विनी लक्ष्मण जगताप अश्विनी लक्ष्मण जगताप यांनी आज औंध जिल्हा रुग्णालयाला अचानक भेट दिली. जगताप यांनी रुग्णालयाची पाहणी करून रुग्णांच्या तक्रारी ऐकून घेतल्या. रुग्णासमोर “रुग्णालयातून नागरिक परत गेले नाही पाहिजेत, अन्यथा तुमच्यावर अ‍ॅक्शन घेईल. मी पुन्हा रुग्णालयाला भेट देईल,” असा दम आमदार अश्विनी लक्ष्मण जगताप यांनी संबंधित अधिकाऱ्यांना दिला.
अश्विनी लक्ष्मण जगताप यांना थेट रुग्णालयाला भेट त्यांनी त्यांच्या कामाचे दर्शन घडविले आहे. त्यामुळे त्या लगेचच अ‍ॅक्शन मोडमध्ये आल्या असल्याचे पाहायला मिळत आहे. जगताप यांनी रुग्णालयाची पाहणी करून रुग्णांच्या तक्रारी ऐकून घेतल्या. संबंधित अधिकारी आणि डॉक्टरांना अश्विनी जगताप यांनी तंबी देत धारेवर धरले. अश्विनी या नुकतेच झालेल्या चिंचवड पोटनिवडणुकीत विजयी झाल्या आहेत.
आमदार अश्विनी जगताप यांनी पहिल्याच दिवशी त्यांच्या कार्यालयात जाऊन कामकाजाची सुरुवात केली होती. आता थेट त्यांनी औंध जिल्हा रुग्णालयाला अचानक भेट दिल्याने रुग्णालयातील डॉक्टर, कर्मचारी आणि अधिकाऱ्यांची तारांबळ उडाली. जगताप यांनी आयसीयूमध्ये जाऊन पाहणी करत रुग्णांची विचारपूस केली. मग, औषध वाटपाच्या ठिकाणी जाऊन रुग्णांचे नातेवाई, रुग्णांच्या तक्रारी जाणून घेत थेट तिथल्या अधिकाऱ्यांना धारेवर धरले.
