पुणे : कुत्रे भुंकल्याच्या कारणावरुन सख्ख्या भावाला व पुतण्याला लोखंडी सळईने बेदम मारहाण केल्याची धक्कादायक घटना बालेवाडी येथील दसरा चौकात शुक्रवारी (ता.१७) रात्री दहा वाजण्याच्या सुमारास घडली आहे. याप्रकरणी चतु:शृंगी पोलीस ठाण्यात जखमी काका व चुलत भावावर शनिवारी (ता.१८) गुन्हा दाखल करण्यात आला आहे.
याप्रकरणी सुरेश दामु बालवडकर (वय-४३ रा. भारती विद्यापीठ जवळ, दसरा चौक, बालेवाडी) यांनी चतु:शृंगी पोलीस ठाण्यात फिर्याद दिली आहे. त्यानुसार दत्तात्रय दामु बालवडकर व आकाश दत्तात्रय बालवडकर (रा. दसरा चौक, बालेवाडी) यांच्या विरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी आणि फिर्यादी यांचे भाऊ आणि पुतणे आहेत. शुक्रवारी कुत्रा भुंकल्याने आरोपींनी वाद घातला. याच वादातून आरोपींनी फिर्यादी आणि त्यांचा मुलगा संदेश बालवडकर याला लोखंडी सळईने बेदम मारहाण केली. या मारहाणीत संदेश याचा उजव्या हताचे हाड फ्रॅक्चर झाले आहे.
दरम्यान, याप्रकरणी सुरेश बालवडकर यांनी चतु:शृंगी पोलीस ठाण्यात फिर्याद दिली आहे. त्यानुसार दत्तात्रय बालवडकर व आकाश बालवडकर यांच्यावर गुन्हा दाखल करण्यात आला आहे.पुढील तपास पोलीस हवालदार इनामादार करीत आहेत.
